Frístundamessa Kópavogs verður 29. ágúst kl. 11:00-14:00
Kópavogsbær býður ykkur velkomin á Frístundamessu Kópavogs sem verður haldin í íþróttahúsinu í Digranesi laugardaginn 29. ágúst kl.11:00-14:00.
Á Frístundamessunni gefst börnum og fjölskyldum tækifæri til að kynnast fjölbreyttu íþrótta-, lista- og tómstundastarfi sem í boði er í Kópavogi og nágrenni. Fjöldi félaga og samtaka verður á staðnum með kynningar, sýnikennslu og skemmtilega virkni þar sem börn geta prófað, spurt og upplifað mismunandi frístundastarf.
Markmið messunnar er að auðvelda fjölskyldum að finna frístund við hæfi og hvetja börn og ungmenni til þátttöku í frístunda- og tómstundastarfi. Boðið verður upp á veitingar fyrir gesti á meðan á viðburðinum stendur.
Við hvetjum ykkur til að mæta með börnunum og nýta tækifærið til að kynna ykkur það fjölbreytta starf sem stendur börnum og ungmennum til boða.