Value Based Education

Sími 4415400

Styrktarbarn leikskólans

29.9.2014

Isabella - styrktarbarn


              

Álfaheiði er Sólblómaleikskóli en í því felst að leikskólinn styrkir eitt ákveðið barn í SOS Barnaþorpi eða styrkir samtökin á annan hátt, t.d. með söfnun einu sinni á ári. SOS Barnaþorpin eru stærstu einkareknu barnahjálparsamtökin í heiminum sem sérhæfa sig í að útvega munaðarlausum og yfirgefnum börnum heimili, foreldra og systkini.

Við erum stolt af því að styrkja framfærslu Isabellu sem fædd er 12. nóvember árið 2016. Isabella býr í SOS barnaþorpinu Mwansa í Tansaníu. Í því búa 60 börn ásamt SOS mæðrum sínum en 1200 önnur börn njóta góðs af starfseminni í kringum þorpið.

Á afmælisdegi Isabellu bjóða börnin foreldrum sínum upp á afmæliskaffi og safna peningum til styrktar henni. Elstu börn leikskólans hafa það hlutverk að sjá um að velja afmælis- og jólagjafir handa henni og útbúa kort. Einnig fara þau á pósthúsið með pakkana og heimsækja SOS samtökin. Það ríkir alltaf mikil gleði í barnahópnum þegar þau fara með söfnunarféð í Hamraborgina þar sem aðsetur SOS samtakanna er.

Tansanía er í Austur Afríku og á landamæri við Kenía og Úganda í norðri, Rúanda, Búrúndí og Lýðveldinu Kongó í vestri, og Sambíu, Malaví og Mósambík í suðri. Í austri á það strönd að Indlandshafi og þar eru eyjarnar Sansibar, Mafia og Pempa sem tilheyra Tansaníu. Í höfuðborginni Dódómu búa um 410 þúsunds manns.

 Tansanía er 31. stærsta land heims og á landamæri í norðri og vestri við stóru vötnin, Viktoríuvatn og Tanganjikavatn. Í norðvesturhlutanum er fjallendi þar sem Kilimanjaro, hæsta fjall Afríku, stendur.




Flestir íar Tansaníu tala bantúmál og er svahílí  opinbert tungumál landsins. Hirðingjar sem tala nílótísk mál eru masajar og lúó-mælandi fólk. Einn hópur á Sansibar telur sig vera Shirazi, afkomendur fólks frá Persíu sem flutti íslam til eyjunnar á miðöldum


Um þriðjungur íbúa Tansaníu eru múslimar, um þriðjungur er kristinn og um þriðjungur aðhyllist hefðbundin afrísk trúarbrögð.

Þar eru einnig nokkrir heimsþekktir þjóðgarðar, þeirra á meða Serengeti þjóðgarðurinn, Ngorongoro gígurinn og Gombe þjóðgarðurinn.

Uppistaðan í efnahagslífi Tansaníu er landbúnaður sem stendur undir um helmingi landsframleiðslunnar, 85% af útflutningsverðmæti og 90% af atvinnu. Vegna loftslags og legu er þó einungis hægt að nýta 4% landsins sem akurlendi. Iðnaður er að mestu bundinn við vinnslu landbúnaðarafurða og framleiðslu léttra neysluvara.

Árið 2017 var Tansanía í 153. sæti þegar kom að landsframleiðslu á mann af 187 mældum löndum samkvæmt Alþjóðagjaldeyrissjóðnum. Til viðmiðunar var Ísland í 14. sæti.

Heimasíða SOS samtakanna á Íslandi

Hér er bæklingurinn Lucas styrktarbarn í Álfaheiði unninn í samstarfi við SOS samtökin 2014.



Þetta vefsvæði byggir á Eplica